Gŵyl Mae’r Dyfodol Yma

Sut mae artistiaid yn creu newid cymdeithasol?
Beth yw cyd-greu? Beth mae’n ei olygu? Sut rydyn ni’n ei wneud?
A oes modd i’r celfyddydau weithredu ar sail cariad?
Sut y gellir gwneud celf gyda phobl, ac ar eu cyfer?

Dyma rai o’r cwestiynau a oedd yn ganolog i’r ŵyl Mae’r Dyfodol Yma, digwyddiad undydd ar-lein yn archwilio sut y gallwn ddefnyddio celf wedi’i gyd-greu fel adnodd ar gyfer newid cymdeithasol. Cynhaliodd Common/Wealth yr ŵyl hon mewn partneriaeth ag Artes Mundi a’r Rhwydwaith Cyd-Greu Newid.

Dangoswyd llawer o ddiddordeb a gwerthwyd 193 o docynnau i’r digwyddiad.

Roedd y diwrnod yn llawn siaradwyr gwadd anhygoel a sefydliadau o bob cwr o’r byd, gweithdai rhyngweithiol, cerddoriaeth, dawnsio, gwneud collage, rhannu a chysylltu.

Rhai sylwadau gan gyfranogwyr:

“Teimlo’n ddiolchgar, ailgysylltu â’m pwrpas ac yn llawn egni”

“Mae wedi bod yn ysbrydoledig ac yn llesol.”

“Wedi’i gynnal a’i roi at ei gilydd yn wych, diolch o galon. Edrych ymlaen at newidiadau’r dyfodol gyda chi i gyd”

Graphic Designer/Dylunydd Graffeg: Khalil Dase