Common Wealth

Mae Common Wealth wedi’i leoli yn Bradford a Chaerdydd ac yn gweithio ledled y byd. Rydyn ni’n cynnal digwyddiadau theatr sy’n benodol i safleoedd ac sy’n cwmpasu sain electronig, dulliau newydd o ysgrifennu, dylunio gweledol a chynnwys gair am air. Mae ein gwaith yn wleidyddol ac yn gyfoes – ac yn seiliedig yn y presennol – yn y fan a’r lle. Rydyn ni’n gwneud gwaith sy’n berthnasol ac yn mynd i’r afael â phryderon ein cyfnod.

Beth sydd gennym ar y gweill

Yng Nghaerdydd, roedden ni ym Methesda yn gweithio ar brosiect Llais y Lle Rhiannon a Ffion, yn ystyried dosbarth a’r Gymraeg drwy greu datganiadau cyhoeddus i’n hawl i iaith – gan gydweithio â rhai o artistiaid mwyaf cyffrous Cymru.

Rydyn ni’n edrych ymlaen at gyflwyno ein sesiwn gyntaf o Four Seasons of The Posh Club – ein digwyddiad cabaret hudolus i bobl dros 60 oed – gyda’n ffrindiau Duckie. Fe wnaethom ddechrau hyn gyda’n Posh Club Boutique cyntaf erioed lle cawsom Bingo Crand a siop gyfnewid arbennig yng nghanol Llaneirwg.

Yn y Gwanwyn, byddwn yn treialu ein prosiect a arweinir gan bobl ifanc ac a ysbrydolwyd ganddynt o’r enw Take Your Place. Mae wedi’i gomisiynu gan Gyngor Caerdydd a byddwn yn cydweithio â chymunedau ledled Caerdydd.

Rydyn ni’n edrych ymlaen at fod yn rhan o brosiect LDP gyda Phrifysgol Caerdydd a Chyngor Caerdydd – gan ymchwilio i ddyfodol ein dinas a sut gallwn ni fod yn rhan o’r gwaith o lunio’r dyfodol.

Yn Bradford, rydyn ni’n gweithio gyda’n grŵp Perfformiad ar y Cyd ddau ddiwrnod yr wythnos i ddatblygu sgiliau creu theatr a hwyluso a dyfeisio deunydd ar gyfer sioe newydd.

Rydyn ni wedi sicrhau cyllid gan The Leap ar gyfer 29% Festival, penwythnos o gerddoriaeth, theatr, celfyddydau gweledol ac actifiaeth ym mis Gorffennaf, yn dathlu artistiaid ifanc Bradford ac yn rhoi llwyfan i leisiau ifanc lleol. Mae Speakers Corner ac Youth Theatre Lab yn chwilio am aelodau newydd ar hyn o bryd, er mwyn dechrau prosiectau ac ymgyrchoedd newydd ar gyfer y Gwanwyn.

Rydyn ni’n creu arddangosfa newydd yn Amgueddfa Ddiwydiannol Bradford o’r enw Wear & Care, casgliad sy’n ymchwilio i’n perthynas â’r diwydiant ffasiwn cyflym ac a ysbrydolwyd gan ein sioe Fast, Fast, Slow. Bydd modd ymweld â hi am y flwyddyn gyfan.

Mae ein timau o Gaerdydd a Bradford yn ymweld â’n ffrindiau draw yn Gob Squad am wythnos o gyfnewid syniadau creadigol ym mis Ebrill, a fydd yn ddechrau blwyddyn gyffrous ar y cyd.