SWYDDI

Ydych chi’n credu yng ngrym theatr, celf ac adrodd straeon i greu newid cymdeithasol?

A collage image of different people from Cardiff and Bradford. They are cut out and layered over each other, in black and white. The people are a diverse group in terms of gender, race and age. They are people we ahve worked with on our shows.

Ymunwch â mudiad dosbarth gweithiol sy’n herio ac yn hyrwyddo beth all celf fod. 

Rydyn ni’n chwilio am bobl sy’n meddwl, yn breuddwydio, yn gwneud, yn adeiladu ac yn cynllunio ar y cyd i’n helpu i greu celf i sicrhau newid cymdeithasol – yn enwedig ar gyfer pobl y dosbarth gweithiol.

Mae Common/Wealth yn creu theatr wleidyddol i ddychmygu a chreu byd gwell. Rydyn ni’n gweithio gyda chymunedau fel cydweithwyr, mewn mannau sy’n bwysig iddyn nhw – o dai i gampfeydd bocsio a chanolfannau cymunedol. Mae ein gwaith yn greadigol, yn bryfoclyd ac wedi’i wreiddio mewn profiadau go iawn. 

Mae The Commons yn rhywbeth rydyn ni’n ei greu gyda’n gilydd – y gofod a’r straeon rydyn ni’n eu rhannu, y gred bod celf ar gael i bawb. Rydyn ni’n creu mudiad wrth ein traed, gan ddechrau gyda bwrdd cymunedol sy’n cynnwys 12 o bobl, 6 o Dde Cymru a 6 o Bradford, pob un â safbwyntiau gwahanol ac o gefndiroedd gwahanol. 

Cyfle â thâl i ymuno â The Commons, llunio ein gwaith a chreu mudiad. Agored i bawb. 

Beth fyddwn ni’n ei gynnig:

Bydd The Commons yn cyfarfod am 7 sesiwn, o fis Medi 2026 ymlaen. Bydd pob sesiwn yn para 2 awr ac yn digwydd dros 13 mis. 

Mae aelodau’n cael eu talu uwchlaw’r Cyflog Byw, £15 yr awr, i ddod i bob sesiwn. Bydd pawb yn cael eu talu, waeth beth fo eich amgylchiadau personol – mae croeso i chi ofyn i ni sut mae hyn yn gweithio. 

Bydd rhai sesiynau’n cael eu cynnal wyneb yn wyneb yng Nghaerdydd a Bradford, a rhai ar-lein. Byddwn yn gweld perfformiad byw gyda’n gilydd o leiaf unwaith yn ystod y cyfnod hwn. Rydyn ni’n hapus i gefnogi anghenion mynediad a gallwn drafod hyn gydag unrhyw un sy’n gwneud cais. 

Beth fyddwch chi’n ei wneud: 

Bydd aelodau The Commons yn sicrhau’r canlynol: 

  • Bod yn ffrind beirniadol i Common/Wealth, drwy ddeialog a chydweithio 
  • Eiriol dros Common/Wealth a meithrin cefnogwyr yng Nghaerdydd a Bradford, drwy rwydweithio a gweithredu ar lawr gwlad
  • Cymryd rhan mewn prosesau creadigol i ffurfio ein gwaith, gan fanteisio ar brofiad personol a rhwydweithiau cymunedol 
  • Gwrando ar ddatblygiad ein proses a chefnogi hynny, gan ein cadw ni’n gyson ag ethos Common/Wealth
  • Ymgymryd â hyfforddiant i gefnogi’r broses o gydweithio yn The Commons
  • Cyfrannu at bolisi a strategaeth Common/Wealth
  • Cynrychioli’r Common/Wealth mewn digwyddiadau, gan gynnwys cynadleddau, sioeau a phaneli

Rydyn ni’n chwilio am y canlynol: 

  • Unrhyw un sy’n credu yng ngrym ymgyrchu i sicrhau newid 
  • Arweinwyr cymunedol, rhieni, neiniau a theidiau, ewythrod neu fodrybedd angerddol
  • Pobl leol sydd â diddordeb yn eich cymuned
  • Trefnwyr sydd wedi’u cymell i wneud gwahaniaeth 
  • Artistiaid dosbarth gweithiol sy’n angerddol am drawsnewid diwylliant
  • Pobl chwilfrydig sydd â diddordeb mewn datblygu sgiliau a gwybodaeth greadigol

Mae The Commons yn agored i bawb 16 oed a hŷn

Sut i wneud cais 

Gallwch wneud cais erbyn 29 Gorffennaf drwy e-bost, fideo neu nodyn llais.

Os ydych chi’n gwneud cais o Gaerdydd, anfonwch Fynegiant o Ddiddordeb (dim mwy na 2 dudalen A4) yn ateb y cwestiynau cais isod at [email protected] erbyn 29 Gorffennaf 2026. Mae croeso i chi hefyd anfon fideo neu nodyn llais i 07727335126.

Os ydych chi’n gwneud cais o Bradford, anfonwch Fynegiant o Ddiddordeb (dim mwy na 2 dudalen A4) yn ateb y cwestiynau cais isod at Saoirse@commonwealththeatre.co.uk erbyn 29 Gorffennaf 2026. Mae croeso i chi hefyd anfon fideo neu nodyn llais i 07463348413.

 

  1. Pam ydych chi eisiau ymuno â The Commons? 
  2. Beth allech chi ei gynnig i Common/Wealth?
  3. Beth ydych chi’n meddwl y gall Common/Wealth ei gynnig i chi? Beth ydych chi’n gobeithio ei gael yn sgil y rôl?
  4. Beth sy’n eich gwneud chi’n flin yn y byd ar hyn o bryd?
  5. Beth sy’n digwydd yn y byd sy’n gwneud i chi deimlo’n bositif?

Cofiwch hefyd lenwi ein Ffurflen Monitro Cyfle Cyfartal ar-lein, sydd ar gael yma. 

 Byddwn yn cysylltu â phawb sy’n gwneud cais erbyn 30 Gorffennaf 2026, p’un ai a ydych chi wedi cyrraedd y rhestr fer ai peidio.  Byddwn yn cysylltu â phobl sydd wedi cyrraedd y rhestr fer i drefnu sgwrs ar-lein cyn gofyn i chi ymuno â The Commons.  Mae’n debygol y byddwn yn trefnu’r sgyrsiau hyn ar gyfer yr wythnos sy’n dechrau ar 3 Awst 2026.

 Mynediad

Rydyn ni wedi ymrwymo i fynediad a chynhwysiant. Os hoffech gael rhagor o wybodaeth, os oes angen cymorth arnoch gydag unrhyw ran o’ch cais, neu os hoffech gael sgwrs anffurfiol ymlaen llaw, cysylltwch drwy [email protected]

Ymunwch â'n rhestr bostio