Os ‘heddwch’ yw ystyr ‘Islam’, sut y gallwn ni fod ofn heddwch?

Mae Peaceophobia yn ymateb heb ymddiheuriad i Islamoffobia cynyddol ledled y byd. Gydag elfen o sioe car ac elfen o theatr, mae’r sioe yn gofyn sut ydych chi’n dod o hyd i heddwch mewn byd sy’n dweud wrthych pwy ydych chi?

A hwythau wedi cael eu magu yng nghysgod Terfysgoedd Bradford, 9/11 ac aflonyddu gan yr heddlu, mae ceir a ffydd yn noddfa, yn ddihangfa, yn fynegiant i dri dyn Moslemaidd Pacistanaidd. Ali, Sohail a Casper sy’n rheoli’r naratifau ynghylch eu crefydd, eu dinas, a’u ceir.

Wedi’i lwyfannu mewn maes parcio gyda Supra, Golf a Nova clasurol, mae Peaceophobia yn dod â cheir a theatr ynghyd gyda goleuadau sinematig a sgôr sain electronig.

Mae’r sioe wedi’i chyfarwyddo gan fenywod ifanc o Speakers Corner, cydweithfa gymdeithasol yn Bradford a chwmni theatr llwyddiannus Common Wealth. Mae’r sioe wedi’i hysgrifennu ar y cyd gan y dramodydd enwog Zia Ahmed a’r Bradford Modified Club, cyd-gynhyrchiad â Fuel.