Take Your Place
Oes gennych chi rywbeth i’w ddweud?
Ydych chi’n teimlo’n flin am gyflwr y byd ar hyn o bryd?
Ydych chi’n teimlo bod yr hyn sy’n bwysig i chi a’ch dyfodol yn cael ei anwybyddu?
Rydyn ni’n chwilio am bobl ifanc o’r dosbarth gweithiol sy’n teimlo’n angerddol am sicrhau newid – nad ydyn nhw efallai’n gwybod ble i ddechrau, ond sydd eisiau dysgu, gwneud ffrindiau a bod yn rhan o fudiad dros newid.
Roedd Take Your Place yn brosiect celfyddydau a gweithredu ar gyfer pobl ifanc dosbarth gweithiol. Drwy gyfres o weithdai creadigol 12 wythnos o hyd, bu pobl ifanc yn archwilio pwy ydyn nhw, pam mae hynny’n bwysig a beth sy’n bwysig iddyn nhw.
Byddwn yn ymchwilio’n fanwl i themâu pŵer, arweinyddiaeth, trefnu cymunedol a chyfiawnder cymdeithasol ac yn cydweithio i greu ymateb creadigol.
Caiff Take your Place ei ariannu gan Gyngor Caerdydd mewn ymateb i’r adroddiad gan Dasglu Cydraddoldeb Hiliaeth Caerdydd
Lluniau
Sut i wneud cais
Mae gennym broses ymgeisio fer ar-lein, a gallwn hefyd helpu gyda cheisiadau yn ein sesiynau blasu. I wneud cais, atebwch y cwestiynau canlynol drwy e-bost. Mae croeso i chi deipio, ysgrifennu neu wneud fideo o’ch ymateb.
- Dywedwch ychydig amdanoch chi’ch hun wrthym
- Beth hoffech chi ei newid yng Nghaerdydd?
- Rhannwch ffotograff, ysgrifen, neu lun gyda ni o rywbeth sy’n hollbwysig i chi.
I anfon eich cais drwy e-bost, anfonwch ef at [email protected]
Os ydych yn cael unrhyw drafferth gwneud cais neu os oes angen unrhyw gymorth ychwanegol arnoch, cysylltwch ag [email protected]
FAQ
Beth yw ystyr dosbarth gweithiol?
Mae dosbarth gweithiol yn cyfeirio at bobl o gefndir incwm isel. Efallai y bydd eich rhieni/gwarcheidwaid yn gweithio fel gweithwyr archfarchnad, plymwyr, trinwyr gwallt, gweinyddion, nyrsys neu lanhawyr. Gallent hefyd fod yn ddi-waith yn y tymor hir neu’n sâl, i mewn ac allan o waith, neu’n gwneud gwaith sifftiau.
Sut byddaf yn cael fy nhalu?
Bydd angen i chi ddod â’ch manylion banc neu fanylion banc eich rhieni/gwarcheidwaid i’r gweithdy cyntaf.
Byddwn yn llenwi ffurflen fer ac yn eich talu’r diwrnod ar ôl pob sesiwn y byddwch yn dod iddi.
Bydd taliadau’n cael eu gwneud drwy drosglwyddiad banc neu mewn talebau siopa a gellir eu talu i’ch cyfrif chi neu gyfrif eich rhieni/gwarcheidwad. Os nad oes gennych gyfrif banc neu os ydych chi’n poeni nad oes gennych ddigon o arian i ddod i’r diwrnod cyntaf, rhowch wybod i ni.
Beth ddylwn i ei wisgo?
Gwisgwch rywbeth rydych chi’n teimlo’n gyfforddus yn symud o gwmpas ynddo.
Pa ffurfiau celfyddydol fyddwn ni’n eu defnyddio?
Ein dewis ni fydd hynny; byddwn ni’n gweithio gyda’n gilydd i benderfynu beth sy’n ddiddorol i bawb, a byddwch chi’n gweithio gyda ni i ddod o hyd i artistiaid i’w gwahodd i gyflwyno sesiynau.
Dydw i ddim yn galw fy hun yn artist nac yn ymgyrchydd; ydy hyn yn dal yn berthnasol i mi?
Nid oes angen i chi fod yn artist nac yn ymgyrchydd i ddod i Take Your Place. Mae’n berthnasol i unrhyw un chwilfrydig. Does dim angen sgiliau penodol arnoch a chewch wahoddiad i roi cynnig ar bethau newydd.
Ydw i’n cael dod â ffôn gyda mi?
Fe gewch chi ddod â’ch ffôn, ond rydyn ni’n gofyn i chi geisio ymrwymo’n llawn i’r sesiynau a defnyddio eich ffonau yn ystod egwyliau pan fyddwn ni’n ymlacio.
A fydd rhywun yn tynnu lluniau neu’n ffilmio’r sesiwn/sesiynau?
Byddem yn hoffi tynnu rhywfaint o luniau a ffilmiau byrion ar gyfer ein cyfryngau cymdeithasol yn y digwyddiad. Os nad ydych chi eisiau i ni dynnu eich llun, gallwch chi roi gwybod i ni a byddwn ni’n sicrhau nad ydym ni’n tynnu eich llun/eich ffilmio.
Ga i ddod â ffrindiau?
Mae croeso i chi argymell hyn i eraill, ond mae angen i bawb wneud cais ymlaen llaw i ddod i’r sesiynau.
Ydy hyn yn addas i mi?
Os ydych chi wedi darllen at y Cwestiwn Cyffredin yma, mae’n debyg bod y sesiynau hyn yn addas i chi! Rydyn ni’n awyddus i glywed gan bobl ifanc o bob cwr o Gaerdydd sy’n uniaethu fel rhywun o’r dosbarth gweithiol, sydd â diddordeb mewn datblygu ei hun ac sy’n awyddus i gael cyfleoedd. Does dim rhaid i chi fod wedi gwneud unrhyw beth fel hyn o’r blaen.
Beth sy’n digwydd ar ôl Take Your Place?
Mae Take Your Place yn ymwneud â meithrin cyfeillgarwch a rhwydweithiau ledled Caerdydd. Ar ôl Take Your Place, byddwch yn rhan o rwydwaith Common Wealth, a gallwn rannu cyfleoedd â chi gennym ni a’n ffrindiau. Rydyn ni’n gobeithio adeiladu ar lwyddiant Take Your Place i wneud mwy o bethau fel hyn yn y ddinas.
Gyda phwy ydw i’n cysylltu os oes gennyf gwestiynau?
Os oes gennych unrhyw gwestiynau, y person gorau i gysylltu â hi yw Eugenia, y Cynhyrchydd Ieuenctid Creadigol. Gallwch e-bostio [email protected].
Pa mor hir ddylai fy nghais fod?
Dydyn ni ddim yn disgwyl ceisiadau perffaith; rydyn ni eisiau gweld beth sy’n bwysig i chi a beth sy’n berthnasol i chi. Defnyddiwch eich geiriau eich hun—does dim angen i chi dreulio mwy na hanner awr yn ei gwblhau nac ysgrifennu mwy na 500 o eiriau—mae hynny tua un ochr o bapur A4.
Ble mae’n cael ei gynnal? Ydy’r lleoliad yn hygyrch?
Pafiliwn y Grange yn Grangetown, De Caerdydd. Nid oes grisiau ym Mhafiliwn y Grange ac mae’r ystafelloedd ymolchi’n rhai hygyrch. Rydyn ni’n gwneud ein gorau i wneud ein holl weithdai yn hygyrch ac yn agored. Rhowch wybod i ni os oes gennych unrhyw anghenion neu geisiadau penodol i ni eu hystyried.