Us Here Now

Mae Us Here Now yn ddathliad o bobl Dwyrain Caerdydd; eu straeon a’u grym. Mae’n daith i’r hyn y mae’n ei olygu i gael eich gweld a’ch clywed; mae’n herio’r naratifau negyddol sydd o’n cwmpas yn aml.

Ar ddiwedd yr haf yn 2020, ar ôl y cyfyngiadau symud, bu Common Wealth yn gweithio gyda’r artist Jon Pountney a phobl sy’n byw, yn gweithio neu’n dod o Laneirwg, Llanrhymni a Trowbridge i gyfleu ciplun o fywyd yn yr heulwen; ni, yma, nawr.

O Roddy Moreno o’r band pync gwrth-ffasgaidd The Oppressed i Nicola sy’n bocsio a chanddi uchelgais o ysgrifennu llyfrau plant, i Selvin, sy’n gweithio yn Tesco, i Jude sy’n aelod o glwb garddio Llaneirwg a llawer mwy o unigolion ysbrydoledig.

Rydyn ni wedi dysgu sut y dylanwadodd newyddiadurwyr y 1970au ar ganfyddiadau o’r ardal, pan wnaethant dalu i blant fandaleiddio bloc o fflatiau ar gyfer sesiwn tynnu lluniau a sut y gwnaeth cyn Ysgrifennydd Gwladol Cymru sarhau cenhedlaeth drwy feirniadu mamau sengl a dyfodol eu plant. Rydym wedi dysgu bod ein cymuned yn gyfoethog tu hwnt, mae pob un rydyn ni wedi’i gyfarfod wedi herio’r straeon a ddywedwyd gan newyddiadurwyr a gwleidyddion.

Roedd y lluniau’n cael eu harddangos mewn arddangosfa awyr agored yn y ganolfan ddinesig ger Tesco Llaneirwg rhwng mis Tachwedd 2020 – Ebrill 2021.

Caiff Us Here Now ei ariannu gan#DeptofDreams, Cyngor Celfyddydau Cymru a Sefydliad Paul Hamlyn.